أه
دي صرخه لأم الشهيد
ودمعة طفل أتولد جديد
شاف الحلم بتاعه بعيد
وقال ضاع حق أبويا الشهيد
أه
دي صرخه من الألم والجوع
والأرض أللي مابقألهاش رجوع
وياما قولنا بقلاش خضوع
وسلام مش جايب غير ذل وخنوع
أه
دي كلمة شاب حزين
يبكي حسره علي أخوه المسكين
تحت التراب وفي أيد الكلاب
قتلي وجرحي ومسجونين
أه
دي صرخة وطن محبوس
ضاعت فيه كل النفوس
الحكايه مش بترول وفلوس
دي هيمنه وقوه ونفوذ
أه
دي صرخة إنسان عليل
صابه المرض وصار ذليل
مابين أمريكا وبريطانيا وإسرائيل
وأهو سلام وعولمه وتحويل
أه
الف صرخه وصرخه من الشعوب العربيه كلها لتحاول ان توقظ ضمائر حكامها
ولا تخف فلا تنازل ولا مفاوضات ولا استسلام