اول بوست لى فى اتحاد المدونين العرب قررت ان اكتبه عن الملك فاروق
فى الفترة الاخيرة و تحديدا منذ شهر رمضان وقت بث مسلسل الملك فاروق و بدأت حاجات كتير اوى تتقال على لسان الاجيال الى مش عاصرت الملك فاروق لو كان الله يرحمه عايش كان فرح بيها اوى انا و هى حب الشعب . حب المصريين الى راهن عليه كتير الملك فاروق ..


حب فاروق و لا تيم حسن الله اعلم ..

و لكن من اسفاف د/ لميس جابر فى إخفاء الكثير من الحقائق التاريخية حول شخصية الملك فاروق و اظهار الملك فاروق فى دور الحمل الوديع .. الذى كان يحب مصر و يحب الشعب المصرى .ز على حساب نفسه أنا مش بهاجم الملك فاروق الله يرحمه و لكن فى شئ اثارنى و خصوصا انى دراسه تاريخ .. لما شوفت المسلسل دا .. ايضا من ضمن اسفاف المسلسل تصوير شخصية سياسية محنكة مثل مصطفى باشا النحاس - هو رجل اتصف بالهيبة و الشخصية الجادة كما امتاز باسلوب ساخر- فى شخصية كوميدية ..

نرجع لموضوعنا الاساسى الملك فاروق ..

هو الملك فاروق بن الملك فؤاد الأول بن الخديوي إسماعيل بن إبراهيم باشا بن محمد علي باشا (ولد 11 فبراير 1920 - 18 مارس 1965) آخر ملوك مصر وآخر من حكم مصر من الأسرة العلوية ولد ونشأ في القاهرة كإبن وحيد بين خمسة شقيقات أنجبهم الملك فؤاد الأول ثم أكمل تعليمه بفرنسا وبإنجلترا، أصبح ولياً للعهد وهو صغير السن، واختار الملك الوالد فؤاد الأول لولي عهده لقب أمير الصعيد وتحمل فاروق المسؤولية وهو صغير السن، حيث أنه تولى العرش في السادسة عشر من عمره بعد وفاة والده الملك فؤاد الأول ، حيث خلف أباه على عرش مصر بتاريخ 28 أبريل 1936، ولأنه كان قاصراً فقد تم تشكيل مجلس وصاية رأسه ابن عمه الأمير محمد علي بن الخديوي توفيق أخ الملك فؤاد الأول وكان سبب إختياره هو من بين أمراء الأسرة العلوية بأنه كان أكبر الأمراء سناً، واستمرت مدة الوصاية مايقارب السنه وثلاث شهور إذ أنّ والدته الملكة نازلي خافت بأن يطمع الأمير محمد علي بالحكم ويأخذه لنفسه فأخذت فتوى من المراغي شيخ الأزهر آنذاك بأن يحسب عمره بالتاريخ الهجري، وأدّى ذلك إلى أن يتوّج فاروق ملكاً رسمياً بتاريخ 29 يوليو

تزوج مرتان .. الاولى الملكة فريدة و فرح الشعب بزواجه من فريدة .. انجبت له ثلاث أميرات هن فريال – فوزية – فادية .. و عندما استحالت المعيشة بينهما و لم تنجب له ولى العهد طلق فريدة و على آثرها ثار الشعب و خرج فى مظاهرات قائلا " خرجت الفضيلة من بيت الرذيلة " و فقد فاروق جزء كبير من شعبيته ... ثم خطب نريمان و كانت حين ذاك مخطوبة لـشخص آخر و فى اليوم الى راحت تشترى فيه خاتم الخطوبة من الجواهرجى الخاص بالملك يشوفها و يقول للملك عليها انها بنت رقيقة و جميلة و .... فيقرر الملك أن يخطبها و طبعا لانه الملك اتفسخت خطبتها الاولى ...المهم انجبت له ولى العهد الامير أحمد فؤاد و الى كان عمرة سته أشهر عندما تنازل فاروق عن الحكم و غادر البلاد ...

الاحداث التى جرت فى عهد فاروق و كان له طرف كبير فيها :-

صفـقة الأسلحة الفاسدة : نسب الكثير للملك فاروق صفقة الاسلحة الفاسدة و انه كان له دور فيها يمكن احنا الاجيال الجديدة مش نعرف الا درسناه فى كتب التاريخ احقاقا للحق هنقول رأى الثورة و زعمائها و الى أكدوا أن فى وثائق لقوها تؤكد ان الملك له يد و خطابات مع الانجليز عن الصفقة .. وان البعض أكد انه له دخل فى الصفقة و لكن مكنش يعرف انها فاسدة .. و كلام محمد حسين هيكل الى قال " آه كان في أسلحة فاسدة لكنه.. وبتحصل في كل الجيوش لكنه في الظروف اللي تم فيها شراء الذخيرة في.. إلى آخره في الوقت اللي جاءت فيه الأسلحة بالطريقة اللي جاءت بها الأسلحة بالسرعة اللي اشتُريت بها طبيعي كان ممكن يحصل خلل، لكن كل هذا مع الفشل في تحقيق هدف بُولِغ فيه فبقى شكل العرب سيئ جدا وبقى شكل إسرائيل أكثر مما كان ممكنا أو أكثر مما كان لازما " ... الحقيقة فين اندفنت مع محمد نجيب و جمال و أنور .. و فاروق رحم الله الجميع .. بس بردوا مش ننفى مسئوليته .. حتى لو مش شارك .. هو مسئول عن الناس الى ماتت عن كل شهيد ..

مقتل أمين عثمان : انشئ الملك فاروق ما يسمى بالسلاح الحديدي و على يد الحرس الحديدى الموالى للملك تم تدبير مقتل أمين عثمان و تم التعامل مع قتلت امين عثمان كأبطال و تم منح حسين توفيق قاتل امين عثمان لقب الباشوية .. و اغتيال حسن البنا .. كما حاول عدة مرات قتل مصطفى باشا النحاس و بالطبع مفيش ملك بيتصرف بالطريقة دى لكن دا ما فعله فاروق و كان معروف قربه من السعديين و منهم على ماهر باشا و كرههم و كره الملك للوفدين

أحداث منطقة القـناة 1952 : أضحى شهر يناير لسنه 1952 شهر من الجحيم فى حياة مصر .. حيث دبر الانجليز عدد من المؤمرات .. منها حريق كنيسة بمدينة السويس فى 4 يناير 1952 و كان الهدف الرئيسي منها اشعال الفتنه الطائفية فى منطقة القناة .. و تم الجريمة أثناء غارة .. بعدها فى صباح الجمعة الموافق 25 يناير 1952 بعث القائد البريطاني البريجادير أكسهام بمنطقة القناة الى ضابط الاتصال المصري، وسلمه إنذارًا بأن تسلم قوات الشرطة المصرية بالإسماعيلية أسلحتها للقوات البريطانية، وتجلو عن دار المحافظة والثكنات، وترحل عن منطقة القناة المحافظة الإنذار البريطاني وأبلغته إلى وزير الداخلية "فؤاد سراح الدين" الذي أقر موقفها، وطلب منها الصمود والمقاومة وعدم الاستسلام. و قبل غروب شمس يوم الجمعه حاصرات الدبابات و المصفحات البريطانيه مبنى المحافظه فى 7 الاف جندى بريطانى بالاسلحة و مدافع الميدان . فى حين كان عدد الجنود المصريين المحاصرين لا يزيد على ثمانمائة في الثكنات وثمانين في المحافظة.. لا يحملون غير البنادق. واستخدم البريطانيون كل ما من معهم الأسلحة في قصف مبنى المحافظة، واستمر الجنود المصريون البواسل يقاومون حتى نفدت آخر طلقة معهم بعد ساعتين من القتال، وسقط منهم خمسون شهيدًا، وأصيب نحو ثمانين آخرين، وأسر من بقي منهم . و تتوالى الاحداث ..





اخبار حادثة القناة انتشرت فى القاهرة مما أدى الى خروج المظاهرات صباح يوم السبت 26 يناير 1952 و اشتركت الشرطة لاول مرة مع الشعب فى مظاهرة مطالبين بالسلاح و محاربة الانجليز . فى نفس التوقيت الذى اصبح فيه الوجود البريطانى مهددا فى منطقة القناة بسبب العمليات الفدائية .. التى اشتدت اثر الحادث .. امتدت المظاهرات و الثورة الى الاقاليم .. وكذلك فإن قيام الملك بانقلاب عسكري بمساعدة المخابرات البريطانية ليطيح بحكومة الوفد أصبح أمرًا غير ممكن، خاصة بعد أن تنامى العداء للملك في داخل الجيش الذي أصبح يحمّل الملك مسئولية النكبة التي مني بها في حرب 1948 بسبب الخيانة وقضية الأسلحة الفاسدة ولم يبق أمام البريطانيين سوى البديل الثالث ...












حريق القاهرة 1952 : وجد البريطانيون الفرصة سانحة لتنفيذ مؤامراتهم وحرق "القاهرة" مستغلين المظاهرات التي عمت العاصمة .. ابتداءمن الساعة 12 ظهر و في ساعات قلائل التهمت النار نحو (700) محل وسينما وكازينو وفندق ومكتب ونادٍ في شوارع وميادين وسط المدينة.ففي الفترة ما بين الساعة الثانية عشرة والنصف ظهرًا والساعة الحادية عشرة مساءً التهمت النار نحو (300) محل بينها أكبر وأشهر المحلات التجارية في مصر، و(30) مكتبًا لشركات كبرى، و(117) مكتب أعمال وشققا سكنية، و(13) فندقًا كبيرًا منها: شبرد ومترو بوليتان وفيكتوريا، و(40) دار سينما بينها ريفولي وراديو ومترو وديانا وميامي، و(8) محلات ومعارض كبرى للسيارات، و(10) متاجر للسلاح، و(73) مقهى ومطعمًا وصالة منها جروبي والأمريكين، و(92) حانة، و(16) ناديًا، وقد أسفرت حوادث ذلك اليوم عن مقتل (26) شخصًا، وبلغ عدد المصابين بالحروق والكسور (552) شخصًا. فى نفس الوقت كان الجيش فى القصر الملكى مدعو لمأدبه لاحتفال بالمولد أحمد فؤاد ..طلب فؤاد سراج الدين من الملك مساعدة الجيش منذ بدايه اندلاع الحريق لكن الملك لم يصدر قرارة بنزول الجيش الا بعد العصر أى بعد فوات الاوان ..





كل دا و يظهر عهلينا مسلسل د/ لميس .. ليصور الملك بمنتهى البرءاة .. يظهرة فى دور البطل .. الذى احب مصر .. لا استطيع ان اتهمه بعدم حب مصر او الشعب و لكن كان يحبهم من وجهة نظرة يأذيهم و يعتقد انهم سعداء .. ابلغ تشبية له الدبة الذى قتلت صاحبها خوفا عليه ..

توفي الملك فاروق في إيطاليا في عام 1965، وقد قيل أنه اغتيل بالسم بأحد مطاعم إيطاليا، ولقد أوصى بأن يدفن في مصر، وقد رفض عبد الناصر هذا الطلب آنذاك، إلا أن الرئيس أنور السادات قد سمح بذلك في وقت لاحق، وتم نقل رفاته إلى مصر حيث دفن في مسجد الرفاعي ليلا وتحت حراسة أمنية مشددة
و مع هذا فهناك جوانب أخرى فى حياة الملك .. بعد خروجة هو و الاسرة المالكـة إلى ايطاليا .. لم أشاء التعرض لها رحم الله الجميع .. و لا يجوز ذكر الفواحش .. و لكنها معلومه لدى الجميع و روى منها الكثير محمد حسين هيكل ...



و فى النهاية اود أن أقول ..


على اسمك يا مصر أنكـتب التاريخ .. تاريخ الظلم و القهر ... جمهورية و لا ملكية هتفرق ايه .. ما أولادك مظلمومين و مطحونين

ليس محمد على ... وإنما أسرة محمد على


إذا أصيب الإنسان بمرض في أمعائه فإنه يذهب إلى الطبيب وليس أي طبيب ولكن الطبيب المختص بالأمراض الباطنية وإذا أرد الإنسان أن يصطاد السمك يذهب إلى محل أدوات الصيد ويشتري ما يلزمه من الشباك أو الصنانير ويشتري بالطبع الطعم المناسب للسمك الذي يريد أن يصطاده وإذا أراد الإنسان أن يصلح حذاءه فهل يذهب إلى الخباز أم يذهب إلى الاسكافي .

بالطبع يذهب إلى كل مختص بما يريد أن يفعله وهذا أمر منطقي ليس فيه أي جدال أو فلسفة ولكن إذا كان من شباب الأمة العربية والشعب المصري بالأخص انه وصل من التفاهة المعرفية والجهل بأصول البحث والتنقيب عن المعرفة بأصل الشيء والسطحية والبلاهة في معرفة التاريخ فإننا بالطبع وصلنا إلى قاع المجهول ..

والمشكل يأتي من حاملي الإجازات الجامعية ( الشهادة الجامعية ) البكالوريوس والليسانس ،، فقد شاهدة على قناة الجزيرة أن هناك دراسة قامت بها منظمة عالمية موثوق بها تقول أن معظم الجامعات العربية والشرق أوسطية بصفة عامة قد أصبحت غير مواكبة لمستجدات العصر التعليمية وليست لها مصداقية عالمية بين جامعات العالم وبصفة خاصة الجامعات الإسرائيلية والجامعات الأوروبية والأمريكية وبعض الجامعات الآسيوية .

ولكن هنا نتكلم عن شيء أخر ولكنه متصل بالتعلم والتعليم وهو التاريخ فأصبح الشاب المصري والمواطن المصري والفتاة المصرية تأخذ معرفتها بالتاريخ من المسلسلات والأفلام والمسرحيات والبرامج الترفيهية وغير الترفيهية ,

فقد عُرض على شاشات الفضائيات مسلسل الملك فاروق وأثار ضجة كبيرة بين أوساط الشباب الغير قارئ أو عنده حتى جانب بسيط بالمعرفة والثقافة فلم يستطيع الشباب المصري أن يميز بين العمل – الأدبي – وبين العمل التمثيلي – والتاريخ – الذي يرتبط بالوقائع والأحداث والتواريخ الرقمية الدالة على الحدث المقصود التحقيق عنه في فترة زمنية معينة وما سبقها وما الذي أدى إلى حدوث هذا الفعل التاريخي وما تلاها من نتائج تمخضت عن ترسيخ أمر معين أو فكر معين أو أي شي يراد التأكد منها ..

فالكل من الشباب إلا قله بسيطة تعي معا تقرأ وما تسمع وما تشاهد وفطنو إلى هذه الأشياء ولكنهم قله ، أما الأغلبية من الشباب المشوش فكرياً والجاهل معرفياً قد أيقن وآمن بأن هذا المسلسل هو عين الحقيقة وأن الملك فاروق كان من أعظم حكام هذا الوطن وأن أسرة محمد علي هي أعظم أسره ملكية حكمت مصر ولا يعلمون أن أسرة محمد على بالأخص هي من كانت الأسرة التي جلبت الاستعمار الانجليزي على مصر ولا يعلمون أن أسرة محمد علي هي من أسست للإقطاع والطبقية والرأسمالية المتكبرة إلى مصر ..

فالكل من الشباب لا يعرف أن محمد علي كان له من الانجازات التي سجلها له التاريخ مثل .

1. نزع الأراضي الشاسعة التي كان يمتلكها المماليك وحدد الملكية للأراضي الزراعية .
2. إرسال البعث الدراسية والتعليمة والتثقيفية .
3. شق الترع والقنوات .
4. بناء الطرق والجسور .
5. بناء أسطول بحري حديث .
6. بناء جيش مصري حديث يواكب الجيوش المتقدمة .

والتاريخ يقول لنا انه استولى على الحكم بطريقة غير شرعية ثم قضى على المماليك في مذبحة القلعة الشهيرة 1811، وهو من حارب الحركة الوهابية في الجزيرة العربية وهو من ضم الشام إلى حكم مصر وكان يريد أن يفتح القسطنطينية ولكن تحالف السلطان العثماني مع الأوروبيين وتم هزيمة جيش محمد على بقيادة إبراهيم باشا ابن محمد على الأكبر وبعدها مات ابنه إبراهيم ومرض محمد على في 1848 ولكن الدول الأوروبية أكرهته على الجلاء عن جميع المناطق التي فتحها وضم مصر تحت تاج السلطنة العثمانية وتوريث عائلة محمد على حكم مصر مدي الحياة ..... الخ

مقابل أن يتنازل عن مشروعه الحضاري النهضوي وهنا تبدأ قصة أسرة محمد على ومآسيها وكوارثها واستعبادها للشعب المصري ..

فالكل نسوا ثورة الزعيم المصري احمد عرابي .. ومحمود سامي البارودي .

والكل من الشباب نسوا مصطفى كامل ومحمد فريد .

والكل نسوا سعد زغلول وكل المواطنين الأحرار الذين ماتوا على طلب الحرية والاستقلال من الاستعمار الذي دخل مصر على يد هذه العائلة وبالأخص الخديوي سعيد ... ونسوا تخريب الخديوي إسماعيل للثقافة المصرية والعربية واستدانت مصر بأموال طائلة .

والكل نسوا السخرة والاحتكار والإقطاع والطبقية وأصبح ينادون بأن الملك فاروق هو أمير المؤمنين الذي كان يعاني ويقاسي من اجل مصر والشعب المصري ..

عجبت لك يا زمن .

اليوم ابلغ العشرين من عمرى ....أحاسيس غريبه بداخلى .أنظر حولى الى بلدى فأجدها تغيرت كثيرا ولكن هناك أشياء مازالت على حالها ....

أبو الهول وهو

أمسك الجريده لأرى صورته وأتذكر ماقمت به فى غمرة حماسى .تعرفون أنتم حماس الشباب وتصديقهم لكل الوعود .صدقت هذا الحديث المفترى عن حرية الراى وفعلت فعلتى كان الغيظ قد بلغ منى مبلغه فأمسكت قلمى وخططت رسالتى واليكم نصها

سيدى الفاضل

متى سترحل؟
اغفر لى جرأتى ولكنه حقى كما أكدوا لى ...........منذ تفتحت عيونى على الدنيا وأنا أراك .تحصد نجاحاتك أنت...عرفت وجهك واعتدته حتى مللته ...ماذنبنا نحن ؟ قدمت لنا الكثير لاننكر ذلك ..ولكن أترك لغيرك الفرصه حتى يحاول. ام ان نساء مصر عقمن ان يلدن مثلك وافضل؟

اصرارك على البقاء حتى آخر نفس دفعنى الى هذا العمل أرجوك ارحل كفايه

مع خالص تقديرى

انهيت خطابى مرتاح البال الا قليل من الترقب لردة الفعل وصور لى عقلى انه سيلبى ندائى وينفذ نصيحتى .فمنذ فتره وهو يعيش حالة نفسية سيئه سببتها اخفاقاته المتواليه كما تشير الصحف كل يوم انتظر رده واتابع الاخبار فى ترقب ولكن لاجديد

لحظة ملل جديده تدفعنى لمشاهدة التلفاز فأرى وجهه من جديد وأتذكر رسالتى وأنظر اليه متعجبا

لايزال كما عهدته رغم مرور السنين..نفس حركاته ولكنها لاتؤتى ثمارها الآن

وفجأه يقطع المعلق حبل افكارى جوووووووووووون جووووووووووووون جميل جميل العميد حسام حسن بيجيب جون وبياكد انه رغم السنين هو عميد الاعبين فى ذهول انظر اليه واضرب كفا بكف وأغلق التلفازوأذهب للنوم

أي صــــــغــــيــــــــرتــــــــــي ,
أسـمـعـي لـحــن الـصـبـاح عـلــى لــســان بـلـبــل غــريــد
ودعــــي شــعــاع الـشـمــس يــدخــل فـــــؤادكِ بــتـــؤدة
لـلـذكــرى صــــدى يــــدوم , ولـلـحــب تـنـهـيـدة حـــــرًى
تعالي نعبر معاً جدول الحياة , ونقتلع أشواك الصعوبة , لتغدو الزهور أكثر رونقاً وعطاءً
مــا الحـاضـر إلا مــاضٍِ غــداً , ومــا الـوجــد إلا شـــوق غـيــور
ومـــــــــــــــــــا الــحــــــب إلا ..
نــبــض هــاتـــف , وروح هـائــمــة , وشــعـــاع مـنــيــر
لــلــذكـــرى حــــيــــاة , ولـلــحــيــاة وجــــــــود
إذا أشــتــقــتِ فــأنــظــري , وأذا نـــظــــرتِ فـــأذكــــري
فـالــذكــريــات تــبــقـــى , والأشــيــــاء تــفـــنـــى
أتــــــــركِ لــــلــــروح حــــريــــة الـــعـــنـــاق
ولــلــكــلــمـــة إنــــطــــلاقــــة الـــنـــســـيـــم
وأتــــــــــركِ لـــلــــحــــب .... الـــــحــــــب.....

دايما بشوف إن مشكلة العرب الأولي هى العرب
وأننا لازم ننهي خلافاتنا الداخلية وننهي مشاكلنا وبعدين نبدأ نشوف العالم اللى احنا وصمناه بالعدو فقط لأنه مش عربي
مشكلتنا اللى انا ششايفها الاهم هى تقبل الرأي الأخر ومش قصدي بالرأي الأخر العالم الغربي
لا قصدي أحنا جوانا ليه مش بنعرف نحترم الرأي الأخر هل اننا اتعودنا على اننا دايما الصح والباقي غلط او ايه
الكلام دا مش بينحصر فى حتت وحتت لا على العكس تماما كل الوطن العربي من المحيط للخليج على الشاكلة دي

فى مصر مثلا الحزب الحاكم أبدا مش بيحترم أى رأي اخر بل على العكس دا بيهاجمه ويقمعه ويسكته للأبد

ودا مش فى مصرلا لوحدها لا دا فى كل حته سوريا والاردن والسعودية وتونس

دا لو اتكلمنا على الديكتاتورية بس لو قولنا على نظام المفرو انه ديمقراطي زى لبنان مثلا هنلاقي حاجة غريبة بالنسبة للرأي الأخر مع أن فعلا فى تعددية حزبية وفى حرية بس مفيش حد بيحترم أى رأي مخالف لرأيه كل واحد مقتنع انه الصح اللى كلامه منزل والكلام التانى هو لغو الحديث اللى مجرد الاستماع إليه ذنب عظيم وخطأ لا يغتفر !!!!!
إذا كنا كدا مع بعض إزاى أحنا مطالبين بأحترام الأخريين إذا كنا مش بنعرف نحترم بعنا البعض .
كمان بتظهر المشكلة دي لو قعدت مع شوية شباب هتلاقي إن كل واحد متحمس لرأيه تماما ومش بيقبل أن يعرف الرأي التاني دا عن أيه أو ليه أو أي حاجة تانى هو وبس حتى فى اتفه الحاجات وفى الكورة وفى كل حاجة مش بس السياسة ومحدش بيحاول أنه يفهم التانيين عايزين ايه لمجرد انه يبقي هو الوحيد المثقف فيهم واللى بيفهم كأنه حرام يطلعوا كلهم بيفهموا وآرائهم بتكمل بعض
الألعن فعلا والأضل سبيلا بقي اختلافنا الديني رغم كل ما يقال من الاختلاف رحمه لكن بس حط اتنين شيوخ مختلفين فى حاجة بسيطة مع بعض واتفرج ع الدم بجد دا اقل وصف دم كأن مكانش فى رسول اختلف اصحابه قبل كدا والرسول ما كفرش حد فيهم ولا حاجة لكن لو بصينا دلوقتى هنلاقي اللى بيشتم فى اى حد تانى مخالفه فى الرأي هنلاقي السلفية ما بيحموش عمرو خالد والشيعة بيلعنوا اللى جاب السنة والسنة مش هيسكتوا والله لندبحهم ازاى يختلفوا عنا وكأن الاختلاف عنا شيء ذميم ، نلاقي شيوخ يقولوا الشيعة كلهم بيسبوا صحابة رسول الله .... الشعب كله يطلع بدون ما يشوف هل فعلا الشيعة بيقولوا كدا ولا لأ وهل فعلا كلهم كدا ولا دول مثلا فئة منهم ولا أيه الحكاية مفيش كله يطلع يكفر الشيعة ويتمنى ليهم انهم يتحرقوا بجاز ولا خسارة فيهم الجاز يتحرقوا من غير جاز احسن والشيعة لما يشوفوا الهجوم دا مش هيسكتوا وشيوخهم يطلعوا يقولوا السنة دول مكفرين للشيعة و و و و و يجي الشيعة من غير اى تبين ولا تحقق وهات يا سباب من الجانبين مع إن لو مجرد نظرة صغيره هيتبين للناس كلها ان لا الشيعة بيسبوا الصحابة ولا السنة بيقولوا الشيعة كفار لكن مجرد شرارة انطلقت والناس ولعت ومحدش حاول يتبين الرأي الاخر هل هو فعلا كدا ولا أيه فكرنى دا بموقف كان مرة أحمد شقير جابه وكان حكيتلي عليه واحدة ومش مهم هى مين يعني المهم انه الموقف انه جاب شيخ سنى بيسب الشيعة وعلى الطرف الاخر شيعي يسب السنة وكتب على الاتنين نتانة ، نتانة علشان بيتعصبوا لمذهب ، بس اللى انا شايفه نتانه انهم ما تحاوروش مع الطرف الاخر وشافوا انهم الاتنين فى موقف واحد مع بعض الاختلافات البسيطة اللى يمكن نبذها بعيدا كمان فكرنى بمعز مسعود وهو بيقول ان لو واحد من اللى مش بيحترموا الرأي الأخر شاف لوجو قناة الجزيرة هيجري يحط إيده على كلمه الرأي الأخر ............ رغم كل دا وبنحاول نعمل تحاور مع الثقافات التانية والاديان التانية طيب قولولي ازاى تيجي دي واحنا اصلا مش عارفين نتحاور مع بعض بأحترام أزاى وكل حلقة من الاتجاة المعاكس تبقي شكلها هتتحول لمذبحة مش مناقشة هدفها الوصول لحل وحقيقة يحترمها الطرفين .

الحاجة بقي اللى بحاول الاقيلها حل المفروض نبدأ منين علشان نعرف نحترم الرأي الأخر فكرت كدا وشوية قلت لو من الجامعة مثلا طيب لما يخرج بتاع الجامعة يروح الجامع ولا حتى فى التلفزيون ويشوف شيخ بيشتم الشيعة ازاى يتقنع باحترام الرأي الاخر لا والأسوء كتير انك تشوف اتنين من شيوخ السنة بيتخانقوا طيب دي ازاى يعني دول لو عندهم اى معرفة عن الدين هيعرفوا ان الدين المعاملة وان عامل اخيك كما تحب ان تعامل قولي بقي انا كواحد فى الجامعة ازاى اقتنع بكدا لما الشيخ اللى انا بحترمه مش بيحترم الطرف الاخر طيب افترض دا محصلش لما اشوف الامن بعتقل ويسحل ويضرب اى حد حاول يعبر عن رأيه دا انا لو عندي رأي اخر هاكل زقت ومش هتكلم ولا هعبر عنا وبالتالى لو اتناقشت مش هحترمه .
هى دي أكتر حاجة فعلا مضايقانى اننا بنحاول نعمل حوار مع الاخريين واحنا مش عارفين نتحاور مع نفسنا واحنااصلا مش عارفين اصل الحوار واحنا مش عارفين نتقبل أى رأي مخالف لرأينا
مش عارف أيه ممكن يكون الحل !!!!؟؟؟
فى واحد من اهم الحاجات اللى شايفها اتعملت علشان الرأي الاخر دا هي الجزيرة توك بس حصلت نفس المشكلة انها فعلا بتعرض الرأي الأخر بس ما بيحصلوش حوار لا دا بيحصل خناقات وتكفير كمان وحاجات كدا غريبة !!!!!

مش عارف أيه تانى المفروض يتعمل علشان نعرف نتعامل مع بعض ونحترم آراء بعض :(

الطائر المهاجر الحزين
عادت طيورنهرالبارد الحزينه بعد أن أجبرت علي الإجلاء وتركت لشهوربيوتها وأعمالها وألأرض التي آوت تلك الطيور المهاجره بسبب الإحتلال اللعين.....
لكن ماذا وجدت تلك الطيور حينما عادت إلي أعشاشها ...
لم تكن الأرض هي الأرض ولا البيوت هي البيوت والأشجار صارت بلا صوت والأزقة والأحياء تحولت إلي أطلال ..!
تحتوي علي أبنية خربه وأرض تركت عليها دانات المدافع أثار دمارها وسقت االصغار الأرض ببكائها وسال دمع الكبار من حزنها فخاطب نفسه الصغير قائلاً هنا كنا نلعب وهنا كان دارنا وهناك دكان عم أبو زياد الشهيد الذي كان يمدنا بحلواتنا لكنه صار الأن مجرد كوم من التراب نخطوا عليه بأقدامنا .....
وعروس كانت تبكي وتنوح وتقول ويلي..! ويلي ...! أين أثاث عرسي أين دار زوجي ...!
وهاهي فرحة العيد

فرق كبير بين السادات ومبارك
ابسط فرق بابا مبارك عارف انه ناجح فليه اعداء كتير اوي عشان كده بنخاف عليه ونقفله
كل الطرق لما يروح زياره انما الله يرحمه السادات كان وسط الناس من غير لا خوف من
اغتيال ولا خوف من مواطن
ابسط دليل شوف انت
الصوره الاولي الموكب السادات
الراجل فضله شويه ويوقف عربيه الريس ومحدش كلمه

الصوره التانيه
لموكب بابا مبارك ابو علاء ربنا يكرمهلنا

نفسي اعرف الراجل ده فين دلوقتي؟؟؟؟
حد عرف ؟؟؟

!!!القوميه العربيه و النيران الصديقه



كان في عصر الزعيم الخالد جمال عبد الناصر مصطلح قللما سمعناه اليوم الا وهو القوميه العربيه القوميه العربيه التى كانت تحاربها اسرائيل وامريكا بكل قواها وقد فشلت في هذا في عصر الزعيم

وبموت الزعيم الخالد جمال عبد الناصر تلاشت احلام الوحده العربيه وتحولت هذه الاحلام العظيمه الى كوابيس لا انها ليست كوابيس انها حقيقه السادات في الكنيست -الشعب مندهش -كسنجر يحرك السادات كعروس في مسرح العرائس وتأتى معاهدة الاستسلام وتنهي احلام الوحده وتقتطع مصر من الصف العربي بعد ان كانت الشقيقه الكبري ونتحول للانفتاح الاقتصادي في مصر ومحاولات طمس ملامح الشخصيه العربيه من المجتمع المصري و في طريقنا ايضا نجد حمله كبيره شننت بناءا علي توجيهات من الرئيس السادات لتشويه صورة الزعيم جمال عبد الناصر هذه الحمله تركت اثرا كبيرا علي اجيال واجيال و كما ذكرنا سابقا ان امريكا واسرائيل كانوا يحاربون الوحده العربيه والقوميه العربيه اما الان فنجد تيارا يقول لا توجد قوميه ولا عربيه وانا مصري فرعوني ولست عربي وتيارا اخر يقول انا مصري رجت ارضي الدور والباق علي اللسه ارضهم محتله هؤلاء انصار الرئيس السادات فنحن في هذه اللحظه نواجه خطرا داخليا هذا الخطر اكثر خطرا من التهديدات الخارجيه من اسرائيل وامريكا فهذه هي النيران الصديقه فيا من تدعون الوطنيه نحن العرب لا يبعدنا حد ولا يفرقنا دين فيا انصار الخيانه والهزيمه اصمتوا وارجعوا لتاريخكم ولعللكم تدركون ان من دخل التاريخ علي انه بطل مغوار وشجاع مجرد خائن عميل وكفا نيران صديقه

عم سعد .... أرجوك لا تغضب
صدقني ... حاولنا كثيراٌ
وإنما من الواضح
أنه فعلاٌ ... ما فيش فايده يا صفيه

No person could ever equal Muhammad in generosity. Whatever he received he gave away to others and felt more pleasure than those who received the gift. He never turned anyone away empty-handed from his house and always gave preference to the needy over his own needs.

His charity was of various kinds. Sometimes he gave a gift; sometimes he borrowed something and repaid it generously; sometimes he bought a thing and paid more than the price to the seller; and sometimes he gave charity. He accepted gifts from other people but always gave more gifts in return for them.

Muhammad never said no to any request from anyone in his life. He used to say that he was only a distributor and a treasurer and that Allah was the Bestower of everything. Once a man came to him and saw his herd of goats stretching over a vast area. He requested help and Muhammad gave him the whole herd of goats. He went back to his people and told them to accept Islam, for Muhammad was so generous that there was no fear of poverty. Another man asked him for help when he had nothing to give, so he told the man to borrow on his behalf and he would repay the loan. `Umar, who was present, asked Muhammad whether Allah had not burdened him more than he could bear. The Prophet kept quiet. However, a man was present there who offered to help. Muhammad smiled with great joy at his offer.

Muhammad was so generous that he always gave something to anyone who asked him for help, but if he had nothing, he promised help later on. Sometimes it so happened that Muhammad purchased an article for himself, then gave it as a gift to the seller. Once he bought a camel from `Umar and straightaway gave it as a gift to `Umar’s son `Abdullah. Once he bought something from Jabir and gave it back to him as a gift.

Sometimes Allah blessed the food that the Prophet shared so that it multiplied to feed many. During one battle, there were 130 Companions with the Prophet. He bought one goat, slaughtered it and ordered its liver to be roasted. When it was ready, he distributed it among all the Companions and kept a share for those who were not present.
Whenever he received anything, he did not sit in peace until it was finished. Umm Salmah, the Prophet's wife, reported that one day Allah's Messenger came home looking disturbed. She asked him what the matter was. He replied that the seven dinars he had received the day before had remained on the bed until evening and had not been distributed. He did not rest until they were given away.

Abu Dharr reported that one evening he was walking with Allah's Messenger when he said, "Abu Dharr, if the mountain of Uhud were turned into gold for me, I would not like three nights to pass and one dinar still be left with me, excepting what I would leave for paying my debts." He would never rest until all the cash in the house was completely finished. Once the Prophet went home in a hurry after the prayer and then immediately came out again. The people were surprised, but he told them that he had remembered during the prayer that there was some gold in his house. He thought that he might forget and the gold might remain there all night. He went back home to ask that it might immediately be given in charity.

He always paid the debts of the dead and issued instructions to the effect that if anyone died leaving any debt, he should be informed of it so that he could pay it off.

Whenever Muhammad met any miserly person, he advised him to be more generous and charitable. Ibn `Abbas said that he heard Allah's Messenger say, "The believer is not the one who eats when his neighbor beside him is hungry," Abu Hurayrah reported Allah's Messenger as saying, "The believer is simple and generous, but the wicked person is deceitful and ignoble." In short, Muhammad was so generous and charitable that he never kept anything surplus for himself but gave all to those who came to him for help.

Reference url: http://www.islamonline.net/English/In_Depth/mohamed/1424/manners/article08.shtml

http://elarasoly.blogspot.com/2007/10/generosity-of-prophet-mohamed-pbuh.html