السلام عليكم و رحمه الله و بركاته
الحقيقه ده شرف كبير جداً اني أكتب في المدونه دي و الحقيقه فكرت كتييير قبل ما أكمتب أول تدويننه و كان الموضوع اللي اخترته خاص بالتدوين,
التدوين نفسه
يا تري انت عندك كام مدونه,
و ايه نوع التدوين في مدوناتك,
و هل انت مدون مشهورو أو علي الاقل انك عندك قراء بيهتموا بالمونه أو المدونات و بيجروا وراك و يقرا تدويناتك
أنا شخصيا عندي مدونتين:
مدونه تقنيه و هي مهتمه بالموضوعات التقنيه و البرمجيه و لغه الكتابه الرسميه فيها هي اللغه الانجليزيه
أما المدونه التانيه فهي مدونه شخصيه و دي بقي المدونه الفلسفيه و اللي بكتب فيها أي حاجه عن أي حاجه, يعني ببساطه بفضفض فيها و أشتكي همي و افرح و أزعل
و الحقيقه هي الاقل مشاهد من مدونتي الاولي,
ده غير المدونات اللي بشارك فيها زي المدونه اللي حضرتك بتقري فيها دلوقتي
أنا و بعد سنه من التدوين بدات أتعلم شويه حاجات و الاحظ حاجات تانيه
- أول حاجه اتعلمتها هي ان التدوين موهبه و نعمه فأحسن استعمالها
- المدونه مش هتكون مدونه لو مفيش لها قراء
- المدون الناجح هو اللي قرائه بينتظروا تدوينته الجايه
- حاول تعمل علاقات مع مدونين تانين علشان تتعلم منهم أساليب جديده في التدوين و جذب القراء
- العلاقات دي ممكن تنفع لو انت محتاج تنشر المدونه شويه
- حافظ علي اسلوب واحد في التدوين و لو اختلفت موضوعات التدوين, يعني لو عودت القراء علي الجديه, حافظ علي الجديه لأن القراء اتعودوا عليها و ممكن يكونوا مش هيقبلوا التغيير ده
أنا الحقيقه مش عايز أطول و خاصه لأنها أول تدوينه لي هنا
أتمني ان أكون خفيف عليكم و منتظر رأيكم في المدونات الخاصه بي
السلام عليكم
موضوع ملفت الصراحة
شخصياً أملك 3 مدونات وفي انتظار واحدة رابعة والله مش حب امتلاك وخلاص لأنها حاجة مجانية ولكن كل واحدة ليها قصة الأولى وهي الأصلية عالم افتراضي بتتلكم على كل حاجة عايز أقولها لحد م بقيت بخصص وعملت التانية بتاعة أحداث فلسطين وبعدها الأخيرة للسينما فقط
تحياتي لفكرتك
بسم الله الرحمن الرحيم
يقوم مجموعه من المدونين وانا من ضمنهم بتكوين رابطه لانقاذ ومساعدة اطفال الشوارع
التفاصيل كلها هنا
http://awraqwasrar.blogspot.com/
يسعدنا انضمامكم
قال النبي صلى الله عليه وسلم "خير الدعاء دعاء يوم عرفة، وخير ما قلت أنا والنبيون من قبلي: لا إله إلا الله وحده لا شريك له، له الملك، وله الحمد، وهو على كل شيء قدير"
كل عام وانتم بخير والامه الاسلاميه بخير وسلام