احنا شباب مصريين... أغلبنا من القرية... بس فينا من المدينة
أحلامنا كانت بسيطة... وظيفة مناسبة... وشقة برحة تتاوينا
وأحيانا كنا بنطمع... ونتمنى جوازة... تكون هينة علينا
لفينا على شغل... لحد ما دابت كعوبنا... وحفيت رجلينا
الأبواب كلها مقفولة... إلا للواسطة والناس المحظوظينا!!!
زهقنا... وطهقنا... وقلنا خلاص... فاض بينا
قلنا نمشى... نهاجر... مادام ضاقت علينا
وأرض ربنا واسعة... والأرزاق دى مش بإيدينا
بس ازاى... واحنا ما معناش ورق... وفلوسنا يادوب على أدينا
مفيش غير الهرب... زى اللصوص والمجرمينا
ركبنا البحر وسمِّينا... وقلنا يارب هوِّنها علينا
أمرْتنا بالسعى... وأدينا بنسعى... جوا مركب ماشية بينا
كنا كتير...مش بس عددنا... همومنا كانت راكبة علينا
لا قدر يشيلنا المركب... ولا حتى السفينة
وفجأة لقينا نفسنا... تحت موج عالى مغطينا
ليه كده يا موج؟؟ هيا دى ضمتك الحنينة لينا؟؟
أستغفر الله... قدرك يارب ومكتوب علينا
أرض واسعة... بس ضاقت بينا
وبحركبير... من صغرنا ما حاسش بينا
وفوق الاتنين... سما شاهدة تبكى علينا
وبعد ده كله... آل إيه... مصر بتتقدم بينا
كدابين... كدابين... احنا شفنا الحقيقة بعنينا
الحقيقة اللى شايفينها دلوقتى... إن مصر بتغرق بينا!!!
(بمناسبة غرق سفينة ومركب كانا يقلان 184 مصريا حاولوا الهجرة بشكل غير شرعى بحثا عن فرصة عمل فى إيطاليا، وكانت حصيلة هذا الحادث: 22 جثة + 37 ناجى + 125 مفقود)
أحلامنا كانت بسيطة... وظيفة مناسبة... وشقة برحة تتاوينا
وأحيانا كنا بنطمع... ونتمنى جوازة... تكون هينة علينا
لفينا على شغل... لحد ما دابت كعوبنا... وحفيت رجلينا
الأبواب كلها مقفولة... إلا للواسطة والناس المحظوظينا!!!
زهقنا... وطهقنا... وقلنا خلاص... فاض بينا
قلنا نمشى... نهاجر... مادام ضاقت علينا
وأرض ربنا واسعة... والأرزاق دى مش بإيدينا
بس ازاى... واحنا ما معناش ورق... وفلوسنا يادوب على أدينا
مفيش غير الهرب... زى اللصوص والمجرمينا
ركبنا البحر وسمِّينا... وقلنا يارب هوِّنها علينا
أمرْتنا بالسعى... وأدينا بنسعى... جوا مركب ماشية بينا
كنا كتير...مش بس عددنا... همومنا كانت راكبة علينا
لا قدر يشيلنا المركب... ولا حتى السفينة
وفجأة لقينا نفسنا... تحت موج عالى مغطينا
ليه كده يا موج؟؟ هيا دى ضمتك الحنينة لينا؟؟
أستغفر الله... قدرك يارب ومكتوب علينا
أرض واسعة... بس ضاقت بينا
وبحركبير... من صغرنا ما حاسش بينا
وفوق الاتنين... سما شاهدة تبكى علينا
وبعد ده كله... آل إيه... مصر بتتقدم بينا
كدابين... كدابين... احنا شفنا الحقيقة بعنينا
الحقيقة اللى شايفينها دلوقتى... إن مصر بتغرق بينا!!!
(بمناسبة غرق سفينة ومركب كانا يقلان 184 مصريا حاولوا الهجرة بشكل غير شرعى بحثا عن فرصة عمل فى إيطاليا، وكانت حصيلة هذا الحادث: 22 جثة + 37 ناجى + 125 مفقود)
جيد جدا هذاتقدير لأسلوبك الجميل والرائع وتبسيط مشاعرنا تجاه تلك المشكله بتلك الكلمات
جميلة جدا
الله يسامحك
وجعت قلبي
الله يرحمهم جميعا ويصبر اهلهم
ربنا ينتقم ممن كان السبب في ماساتهم
لأ فيها فكرة
حلوة بجد يعني
الله يرحم الجميع وياخد اللي فاضل
تحياتي
اكثر من رائعه بساطه التعبير تصل الى القلب وصياغه الموضوع بهذا الشكل رائعه تحياتى