اصدقائي اهلا بكم من جديد واعتزر عن الانقطاع وانا عائد اليكم بموضوع لا اعرف ماذا اقول عنه انه (موضوع يمووت من الضحك ولا يخللي الواحد يحسس بالعار) هذا الموضوع يخص جامعة القاهره الجامعه التى تخرج منها استاذه ومعلمين وعلماء واناس نفخر جميعا كونهم خريجي هذا الصرح العظيميوما ما اتجهت لجامعة القاهره كونها جامعتي وكان هناك قبل يومين مشروع عظيم ابديت اعجابي به في الجامعه بمناسبة مئوية الجامعه الا وانه مشروع شاشه عملاقه في واجهة الجامعه علي ان تكون مواجهه للشارع العمومي ليشاهدوا الماره من الطلاب والمواطنين هذه الشاشه التى تعرض مواد تاريخيه عن تاريخ انشاء الجامعه جامعة فؤاد الاول سابقا القاهره حاليا . فوقفت اشاهد هذه الشاشه العظيمه وفجأه اصيبت بصاعقه . فقد شاهدت بعيني ما شاهدت وقرأت بلسانى ما قرأت . ولعنت بخاطرى ما لعنتتفاصيل المشهد : اقف امام الشاشه فخورا بهذا الانجاز لانني انتمي لهذه الجامعه العظيمه وفجأه يظهر علي الشاشه معلومات عن انشاء الجامعه علي يد الخديو عباس حلمى الثاني رحمه الله سنة 1908 وفيما بعد تظهر صورة احمد شوقي امير الشعراء ومكتوب بجانبها الخديو عباس حلمى الثاني ولكوا ان تتخيلوا ما وصلنا اليه من تخلف واستهتار بالتاريخ واستهزاء بكل ما هو شريف ونبيليحدث هذا في جامعة القاهره ام الجامعات المصريه . مع العلم انني قمت بتصوير هذه الشاشه بالكاميرا الخاصه بي . ظلت هذه الشاشه هكذا حتي صعدت الامر للاعلام وقام برنامج يومي على قناه ارضيه بأستضافة د علي عبد الرحمن وشكرني علي الهواء لانني وطني واحب البلد (يا فرحتي ) ولكن السؤال هو كم شخص شاهدوا الشاشه ؟؟ بزمتكوا مش حاجه تعرر؟؟؟
هذه الصور خاصه بمدونة العظماء
صورة امير الشعراء احمد شوقي ويظهر بجانبها اسم الخديو عباس حلمى الثاني
والله يا أخ نور العظماء الواحد بقى بيشوف حاجات غريبة خالص .
خدوا دي :
انا من محافظة الاسكندرية (عروس البحر المتوسط "سابقا في نظري بس " )كان محافظها سيادة اللواء عبد السلام محجوب كان مخليها عروسة بجد هي واهلها والله كانت مشاكلنا قليلة والحياة مريحة كنت تركب المواصلة وانت مرتاح لا السواق خايف من لجنة ولا الشوارع مدغدغة ... ولو انت سايق كنت تبقى مرتااااااااح على الاخر في زحمة بس في حاجة مش مخلياك متضايق ... المهم مشى بابا عبد السلام جه ....... عادل (لبيب) (اتمنى ان لبيب ده يطلع اسم الوالد مش اللقب ) ليه بقى ؟
اولا سيادة اللواء اول ما مسك المحافظة هاتك يا خربشة في الشوارع وسفلت من جديد وارصف الشوارع مع انها جميلة والله .
ثانيا عندك شارع اسمه ابوقير وده من الشوارع الرئيسية في الاسكندرية كسره دغدغ الشارع وبلط الارصف بالمفروض ان سيراميك وقال ايه مستورد ( هههههه مصر تقريبا هي اللي واخدة صناعة السيراميك في العالم لانه من الصناعات الملوثة للبيئة ) .
ثالثا في كوبري اسمه العوايد الكوبري ده كان عبد السلام بيرممه ولانه ماينفعش يقف كانوا بيقفلوا اتجاه فيه ويشتغلوا ولما خلصوه فتحوه واشتغلوا في التاني (اقصد خلصه يعني رصف وسفلته ودهان صور وكله ) جه لبيب وهما شغالين في الاتجاه التاني طبعا كملوا شغل عادي خالص والحمد لله خلص على اكمل وجه ولما بدأوا يسفلتوا فيه خربش الاتجاه الاول (اللي المفروض انه خلص ) علشان يتسفلت تاني مع الاتجاه الجديد علشان يبقى كله جديد في جديد المهم سفلت الاتجاه التاني والاول لسة متخربش .
رابعا حا ابعد شوية عن الطرقات ونمسك البيوت لبيب بييييه اصدر لك قرار بهدم كل البيوت المخالفة ووقف تصاريح البناء شرد ناس ووقف حال ناس ولسة الاسبوع اللي فات عمارة واقعة في منطقة لوران ولحد امبارح الجمعة 28/12/2007 كانوا 30 واحد متوفي .
خامسا المرور لجان على طول والظابط مندول يتلكك لك علشان يسحب الرخص ويعميلك مخالفة انت ما عملتهاش او يسحب العربية ويدخلها حاجة اسمها الحضانة واللي اطلقت عليه جريدة الجمهورية معسكر النازية لعادل لبيب عربيات البلد كلها دخلت الحضانة وعلشان تطلعها تدفع من 800 جنيه لحد 5000 حسب نوع العربية .
سادسا حا ارجع للطرق لان المرة دي بقى الضحك بجد كتر خيره يارب لبيب بيه حب يوسع حتة كده في طريق الكورنيش كان عبد السلام ماوسعهاش لان ماكنش عليها ضغط سيارات اما دلوقتي الوضع اتغير فكتر خيره قالك يوسعها المهم الحمد لله اتوسعت اينعم الشغل طول شوية وفلوس اترمت من غير لازمة (وبلاش نتكلم في موضوع الفلوس ده ) وسفلته وخربشة كتيييييير اوي المهم خلص اتجاه وسفلته وظبطه بس تعالوا نضحك بقى على النمرة اللي جاية دي بص ياسيدي انا دلوقتي حا اتكلم على اتجاه واحد عملوا ايه ؟ سفلتوا جزء منه والمفروض انهم يكملوا السفلتة .... وده انا شوفته يوم الخميس الصبح وكانوا شغالين والمفروض ان كان فيه جزء منتهي يوم الاتنين جيت وانا راجع رجعت من الاتجاه ده لاقيتهم لسة شغالين بس الجزء اللي كان منتهي متخربش وبيسفلتوا في جزء تاني ..... جه يوم الجمعة كانوا شغالين وبصيت كده بتمعن لان الدنيا كانت ليل لاقيت المتخربش اتسفلت ( الحمد لله ) وبيكملوا شغل يعني كده الناس 100% ... بصوا بقى النمرة دي وانا راجع من على الاتجاه ده بعدها بحوالي 4 ساعات لاقيتهم شطبوا جزء كبيييير اوي وشايفه بعيد بيشطبوا الباقي اينعم كانوا موقفين حال المرور بس مش مهم .... الاقي الميكروباص اللي انا راكبه بيفادي حاجة ابص من الشباك الاقيه اللي بعد القوسين ( المفروض ان الجزء اللي انا عليها متسفلت من 4 ساعات يعني لسة ما جاش عليه تراب حتى ده لو حطيت ايدك عليه حتلاقيه لسة دافي ياراجل ) المهم لاقيت لك ناس تقريبا تبع الصرف الصحي لانهم ماسكين الصواريخ اللي بيحفروا بيها وبيحفروا حولين الابيار اللي في الارض ومكسرين حواليها كتير اوي يعني محتاجة سفلتة تاني .... ومش حا اوصف اكتر من كده .
وياريت لو فيه حد من اسكندرية عضو في الاتحاد ينزل بوست عن المحافظة وجملها وانا حا ادعمه بشوية صور لو حب .
الله يرحمك يا داليا
شكرا صديقي باين عليك مخنوق اوى من المحافظ ده مع انه كان عامل شغل كويس جداااا في قنا يا راجل ده بلد غريبه يعني الراجل كان شغال كويس في قنا والمحجوب كان تمام في اسكندريه ليه بقي اللخبطه
علشان تقولوا ان في تداول حاجه ههههه يلا ربنا معاكوا اسكندريه بجد محافظه جميله
تحياتى ليك
طيب بص بقى يوم 31/12 رايح الامتحان الاقيه خير اللهم اجعله مخربش الطريق اللي النازل مش اللي جي يعني الطريق الي الاولاني الي المفروض انتهى منه .
يبدو انه مالوش شغلانة غير الكورنيش الظاهر مابيعرفش يعوم قام ردم جزء من البحر وبقى يزاول في البر لان البحر مالوش كبير .
الله يرحمها داليا كانت تحب تقول مقطفات للاخ الليمبي في كلامها فأحب اقول قطفة لعبلة كامل مع الليمبي .
يعني انت مالكش كبير طيب انا كبير ..... الى اخر الجملة المعروفة .
المحافظ يقول ايه بقى : يعني انت مالكش كبير يابحر طيب انا كبير وحا اشوف حاتتردم ولا يابحر وحاتقرف الناس ولا يا بحر وحاتبوظ عفشة العربيات ولا يا بحر